by Yitbarek Zewde

May 9th 2025.

ሰላም ለልደትኪ እማሕዐነ ድክምት ሥጋ። ድኅረ ኅለፋ ውርዙት ወድኅረ ትክቶ ኀደጋ። ማርያም ሥመሪ ወጸሐቀ እንበለ ንትጋ። ለማየ ንጽሕኪ ትረሰይኒ ፈለጋ። እስመ ንጽሕ ይሁብ ሞገሰ ወጸጋ።

ሰላም ለልደትኪ እምልደተ አበው ዘአብየ ። ለነፍሰ ጽዑራን ኵሉ እስመ ጸገወ ናሀየ። ማርያም ድንግል እግዝእትየ። እንዘ ረድኤትኪ ወአድኅኖትኪ ብየ። ኢይፈርሀ ሞተ ዓዲ ሥቃየ ።

ሰላም ዕብል ለልደትኪ ማኅቶት። ዘብሔረ ጽልመት ። አእሚሮሙ ብኪ ከመ ይከውን ሕይወት። ሰመዩኪ ማርያም ዘወለዱኪ ነቢያት ። ዘትርጓሜሁ ጸጋ ወዓዲ እግዝእት ።

የእመቤታችን ድንግል ማርያም ጣዕሟ ፍቅሯ: ጸጋዋና በረከቷ ይደርብን።

ግንቦት ፩ ቀን የሚከበሩ ዓመታዊ የቅዱሳን በዓላት። ፩.እመቤታችን ቅድስት ድንግል ማርያም (ልደታ) ፪.ቅዱሳን ኢያቄም ወሐና ፫.ቴክታና በጥሪቃ ፬.አባ ሕርያቆስ ዘሃገረ ብሕንሳ

Yitbarek Zewde

yitbarekzewde1@gmail.com

Welcome to YitbarekZewde

ልደትሽ ልደታችን ነው